Самарқанд вилоятининг Каттақўрғон туманида икки ёшли ўғил фарзандини 2500 долларга сотмоқчи бўлган аёл қўлга олинди. Бу ҳақда «Дарё»га Каттақўрғон тумани ИИБ хабар қилди.
Маълум бўлишича, Каттақўрғон туманининг «Кадан» маҳалласида яшовчи 1995 йилда туғилган аёл «Сашка» ва «Ҳилол» исмли шахсларга биринчи турмуш ўртоғидан 2018 йилда туғилган ўғлини 2500 долларга сотишга уринган.
Айни кундаги турмуш ўртоғи С.Қ. билан шаръий никоҳ асосида яшаб келган Х.Х. 2021 йилнинг 6 январь куни, тахминан, соат 18:00 да туман ИИБ ЖҚБ ва ТЕҚКБ ходимлари томонидан олиб борилган «Назорат» тезкор тадбирида келишилган пулларнинг 1500 долларини олган вақтда қўлга олинган.
Ҳозирда ҳолат юзасидан тергов-суриштирув ишлари олиб борилмоқда.
Изоҳ (0)